न्यूज लोकमन मंगळवेढा |
भारतीय राज्यघटनेचे भारतरत्न डॉक्टर बाबासाहेब आंबेडकर यांची जयंती मंगळवेढा तालुका काँग्रेस कमिटीच्या वतीने सलगर खुर्द येथे मोठ्या उत्साहात साजरी करण्यात आली. मंगळवेढा तालुका काँग्रेस कमिटीचे अध्यक्ष प्रशांत साळे यांनी डॉ.बाबासाहेब आंबेडकर यांच्या प्रतिमेचे पूजन केले. ॲड. रविकिरण कोळेकर यांनी प्रतिमेला पुष्पहार अर्पण केला.
यावेळी बोलताना साळे म्हणाले की, डॉ. बाबासाहेब आंबेडकर यांची जयंती दरवर्षी 14 एप्रिल रोजी देशभरात साजरी केली जाते. यंदा संपूर्ण देश त्यांची 134 वी जयंती समता दीन म्हणून साजरी करत आहोत. आपण सर्वजण डॉ. बाबासाहेब आंबेडकर यांचे जीवन साजरे करतो, जे खरे द्रष्टे आणि सामाजिक न्यायाचे चॅम्पियन आहेत ज्यांची स्वातंत्र्य, समता आणि बंधुता ही मूल्ये आपल्या सर्वांना प्रेरणा देत आहेत. यावेळी रविकिरण कोळेकर यांनी मनोगत व्यक्त केले.
या कार्यक्रमास उपसरपंच सौ.संध्या विलास काटकर, ग्रामपंचायत सदस्य रमेश ओलेकर, अशोक गडगे, सखाराम भुसनर, संभाजी भुसनर, तानाजी ओलेकर, भागवत सोनवले, सचिन सवईसर्जे, तानाजी पाटील, काशीनाथ गुरव, संतोष पाटील, युवराज माने यांचे सह ग्रामस्थ मोठ्या संख्येने उपस्थित होते. सूत्रसंचालन संजय ओलेकर यांनी केले तर सौरभ आदाटे यांनी आभार मानले.
