टीम लोकमन मंगळवेढा |
वकिली क्षेत्रात ॲड.श्रीराम शांताराम चौधरी यांनी आपल्या कार्यकर्तृत्वाने नावलौकिक प्राप्त करावा. मोठे यश मिळवत उत्तुंग भरारी घ्यावी असे मत मंगळवेढा येथील नामांकित उद्योजक व आवताडे शुगरचे चेअरमन संजय आवताडे यांनी व्यक्त केले.
ॲड. श्रीराम चौधरी यांची मुंबई उच्च न्यायालयात अतिरिक्त सरकारी अभियोक्ता (फौजदारी विभाग) पदी निवड झाल्याबद्दल हजारे व कलुबर्मे परिवाराच्या वतीने रायगड निवासस्थानी आयोजित करण्यात आलेल्या सत्कार समारंभात प्रमुख पाहुणे म्हणून बोलत होते.
आवताडे पुढे म्हणाले, ॲड.चौधरी यांनी आपल्या वडिलांकडून व मामा ज्येष्ठविधीज्ञ ॲड.धनंजय हजारे यांच्याकडून बाळकडू घेतले आहेत. आपला व्यवसाय जरी दुधारी असला तरी अन्यायाविरुद्ध आवाज उठवून न्याय मिळवून द्यावा तसेच विशेष सरकारी वकील ॲड.उज्वल निकम यांच्यासारखे नाव कमवून आपले आजोळ असणाऱ्या मंगळवेढ्याचा नावलौकिक वाढवावा. अशा सदिच्छा यावेळी अवताडे यांनी व्यक्त केल्या.
ॲड. श्रीराम चौधरी यांचा सत्कार आवताडे शुगरचे चेअरमन संजय आवताडे, मंगळवेढा नगरपरिषदेचे माजी नगराध्यक्ष प्रकाश गायकवाड, माजी नगराध्यक्ष युवराज कलुबर्मे, उद्योजक जयदीप रत्नपारखी, अजित जगताप यांचेसह प्रतिष्ठित मान्यवरांच्या हस्ते करण्यात आला.
यावेळी मंगळवेढा वकील संघाकडून अध्यक्ष ॲड. उल्हास माने, व्यापारी कमिटीच्या वतीने जयदीप रत्नपारखी, वारी परिवाराकडून अजित जगताप, सकल मराठा समाजाकडून विलास आवताडे, सुनील डोके, गणेश पाटील यांनीही आपले मनोगत व्यक्त करून शुभेच्छा दिल्या. तर ॲड श्रीराम चौधरी यांनी मुंबई उच्च न्यायालयातील अनेक अनभुव सांगून मंगळवेढ्यातील लोंकानी दिलेले प्रेम आयुष्यभर स्मरणात राहील असे सांगून सर्वाबद्दल कृतज्ञता व्यक्त केली.
या कार्यक्रमासाठी प्रभाकर घुले, विठ्ठल गायकवाड, डी. एन.जाधव, सुनील पाटील, शरद हेंबाडे, अंकुश पडवळे, नितीन सुरवसे, सतिश हजारे, कुमार धनवे, भारत नागणे, सिद्धेश्वर दत्तू, प्रा. धनाजी गवळी, ॲड. सुजय लवटे, ॲड. मनीष मर्दा, ॲड. प्रदीप पवार, ॲड.डी.एस.माने, ॲड.शिरीष पवार, ॲड.सीमा ढावरे, ॲड.राणी चौधरी, मुझ्झमील काझी, ज्ञानेश्वर कलुबर्मे, दयानंद पाटील, सतिश दत्तू, अरुण गुंगे, विजय हजारे, प्रा.विक्रम पवार, विठ्ठल बिले, प्रफुल्ल सोमदळे, रवी जाधव, प्रा.विजय दत्तू, आप्पासाहेब हजारे, वैभव हजारे, युवराज हजारे, सम्राट हजारे, ओम कलुबर्मे यांच्यासह वारी परिवार, वकील संघ, रविवार परिवार, सकल मराठा समाज, हजारे, कलुबर्मे, चौधरी परिवारातील सदस्य उपस्थित होते.
या कार्यक्रमाचे प्रास्ताविक व सूत्रसंचालन प्रा. विनायक कलुवर्मे यांनी केले तर ॲड. धनंजय हजारे यांनी आभार मानले
