टीम लोकमन मंगळवेढा |
मंगळवेढा येथील श्री संत दामाजी सहकारी साखर कारखान्याची सन 2023-24 या आर्थिक वर्षाची 36 वी वार्षिक सर्वसाधारण सभा रविवार दिनांक 15 सप्टेंबर 2024 रोजी दुपारी 1 वाजता कारखाना कार्यस्थळावर कारखान्याचे विद्यमान कार्यतत्पर चेअरमन शिवानंद यशवंत पाटील यांचे अध्यक्षतेखाली संपन्न होणार असल्याची माहिती कारखान्याचे कार्यकारी संचालक राम पाटील यांनी दिली.
सदर वार्षिक सर्वसाधारण सभेत मागील वार्षिक सभेचा वृत्तांत वाचून कायम करणे, सन 2023-24 या आर्थिक वर्षाचा संस्थेच्या कामकाजाविषयी अहवाल स्वीकारणे, ताळेबंद व नफा तोटा पत्रके स्वीकारणे व त्यास मान्यता देणे, वैधानिक लेखापरीक्षक यांचेकडून आलेला लेखापरीक्षण अहवाल वाचून नोंद घेणे, संचालक मंडळांनी सादर केलेला दोष दुरुस्ती अहवाल स्वीकारणे व त्यास मान्यता देणे, आर्थिक वर्षात अंदाजपत्रकापेक्षा कमी जास्त झालेल्या जमाखर्चास मंजुरी देणे, पुढील आर्थिक वर्षाकरिता संचालक मंडळांनी तयार केलेल्या अंदाजपत्रकास मान्यता देणे,
पुढील वर्षाकरिता वैधानिक लेखापरीक्षक व आवश्यकतेनुसार इतर सल्लागारांच्या नेमणुका करणे, कारखान्याची गाळप क्षमता वाढविणे, सहवीज निर्मिती प्रकल्प तसेच आसवानी प्रकल्पाची (डिस्टिलरी) उभारणी करणे, आर्थिक वर्षातील अनावश्यक भंगार माल विक्रीस मान्यता देणे व माननीय अध्यक्ष यांच्या पूर्व परवानगीने सभासदांनी विचारलेले प्रश्न व धोरणात्मक सूचनांचा विचार करणे. इत्यादी विषयांवर रविवारी होणाऱ्या या वार्षिक सर्वसाधारण सभेत विचार विनिमय होणार आहे.
मंगळवेढा तालुक्यामध्ये सहकारी तत्त्वावर सुरु असलेल्या श्री संत दामाजी सहकारी साखर कारखान्याच्या 36 व्या वार्षिक सर्वसाधारण सभेसाठी रविवार दिनांक 15 सप्टेंबर 2024 रोजी दुपारी 1 वाजता कारखान्याच्या कार्यस्थळावर जास्तीत जास्त सभासदांनी उपस्थित रहावे असे आवाहन श्री संत दामाजी सहकारी साखर कारखान्याचे चेअरमन शिवानंद पाटील व व्हाईस चेअरमन तानाजी खरात यांनी केले आहे.
यावेळी श्री संत दामाजी सहकारी साखर कारखान्याचे संचालक मुरलीधर दत्तू, गौरीशंकर बुरकुल, गोपाळ भगरे, राजेंद्र चरणुकाका पाटील, भारत बेदरे, दयानंद सोनगे, औदुंबर वाडदेकर, रेवनसिद्ध लिगाडे सर, भिवा दोलतडे, बसवराज पाटील, गौडाप्पा बिराजदार, दिगंबर भाकरे, महादेव लुगडे, तानाजी कांबळे, निर्मला तानाजी काकडे, लता सुरेश कोळेकर यांचेसह कारखान्याचे सर्व खातेप्रमुख, विभागप्रमुख, कर्मचारी व सभासद शेतकरी उपस्थित होते.
