ऊस तोडीचा हंगाम संपवून गावाकडे परतत असताना झालेल्या अपघातातील जखमी सपना परशुराम ऐवळे (वय 22) राहणार चिक्कलगी या महिलेचा सांगली येथील शासकीय रुग्णालयात उपचारादरम्यान शनिवारी रात्री मृत्यू झाला.
या महिलेच्या मृत्यूमुळे या अपघातातील मृतांची संख्या आता पाच झाली आहे. 2 एप्रिलच्या मध्यरात्री कोल्हापूर जिल्ह्यातील शिरोळच्या गुरुदत्त सहकारी साखर कारखान्याच्या ऊसतोड हंगाम संपवून घराकडे परतत असताना नागपूर रत्नागिरी या राष्ट्रीय महामार्गावर आगळगाव फाट्याजवळ अपघात झाला होता.
ऊसतोड मजुरांच्या रस्त्याच्या कडेला थांबलेल्या ट्रॅक्टरला पाठीमागून भरधाव वेगात येणाऱ्या ट्रकने धडक दिल्याने हा अपघात झाला होता यामध्ये मंगळवेढा तालुक्यातील चिक्कलगी व शिरनांदगी येथील चार ऊसतोड मजुरांचा मृत्यू झाला होता. उपचारादरम्यान मृत्यू झालेल्या महिलेच्या लहान मुलीचा देखील यापूर्वीच या अपघातात मृत्यू झाला आहे.
