टीम लोकमन मंगळवेढा |
राज्याचे उपमुख्यमंत्री अजित पवारांच्या राष्ट्रवादीचे ज्येष्ठ नेते छगन भुजबळ यांना अस्वस्थ वाटू लागल्याने रुग्णालयात दाखल करण्यात आले आहे. बॉम्बे हॉस्पिटलमध्ये भुजबळ यांना दाखल करण्यात आले आहे. छगन भुजबळ आज दि.26 पुणे दौऱ्यावर होते. मात्र अस्वस्थ वाटू लागल्याने त्यांना विशेष विमानाने पुण्याहून मुंबईतील बॉम्बे हॉस्पिटलमध्ये दाखल करण्यात आले आहे.
राज्याचे अन्न, नागरी पुरवठा व ग्राहक संरक्षण मंत्री छगन भुजबळ हे आज देशाचे पंतप्रधान नरेंद्र मोदी यांच्या उपस्थितीत होणाऱ्या कार्यक्रमांसाठी पुणे दौऱ्यावर आले होते. ताप आणि घशाचा संसर्ग असल्याने आज त्यांना अधिक त्रास होऊ लागल्याने दुपारी पुणे येथून विशेष विमानाने मुंबईला हलवण्यात आले. त्यांना बॉम्बे हॉस्पिटलमध्ये दाखल करण्यात आले आहे. मंत्री छगन भुजबळ यांची प्रकृती स्थिर असून कुठल्याही अफवांवर विश्वास ठेवू नये. असे मंत्री छगन भुजबळ यांच्या जनसंपर्क कार्यालयाकडून सांगण्यात आले आहे.
