टीम लोकमन सोलापूर |
रोटरी क्लब ऑफ सोलापूरच्या वर्ष 2024-25 सालाकरीता अध्यक्षपदी रोटे. सीए सुनिल माहेश्वरी तर सचिवपदी रोटे. ब्रिजकुमार गोयदानी यांची निवड करण्यात आली असल्याची माहिती क्लबच्या मावळत्या अध्यक्षा डॉ. ज्योती चिडगुपकर यांनी दिली. पदग्रहण समारंभ शनिवार दिनांक 6 जुलै रोजी सायंकाळी 6.30 वाजता गुजरात भवन सोलापूर येथे होणार असून या पदग्रहण समारंभासाठी प्रमुख पाहुणे म्हणून रोटरी जिल्हा 3131 चे माजी प्रांतपाल डॉ. अनिल परमार (न्यु पनवेल) हे प्रमुख पाहुणे म्हणून उपस्थित राहणार आहेत. रोटरी डिस्ट्रिक्ट 3132 च्या सहाय्यक प्रांतपाल रोटे. सौ. पुनम देवदास यांच्या अध्यक्षतेखाली हा कार्यक्रम संपन्न होणार आहे.
ह्यावर्षी रेन वॉटर हार्वेस्टिंग, आरोग्य तपासणी शिबीर, वरीष्ठ नागरीकांकरीता साक्षरता अभियान, पर्यावरण संवर्धन, स्वच्छता अभियान, किचन गार्डनींग, वृक्षारोपणासह, रक्तदान शिबीर, नुकतेच आंतरराष्टीय रोटरीद्वारे प्राप्त ५०७१० डॉलर्सचा निधीद्वारे रोटरी रेडक्रॉस द्वारे थॅलेसेमीयाग्रस्त रुग्णांकरीता जनजागृती, सल्ला व समुपदेशन, आदी कार्यक्रम मोठ्या प्रमाणावर राबविण्याचा मानस असल्याचे नुतन अध्यक्ष रोटे. सीए सुनिल माहेश्वरी यांनी सांगितले. शिवाय रोटरी फौंडेशन ग्लोबल ग्रांटद्वारे यावर्षी कॅन्सर स्क्रिनिंग आणि जागृतीसाठी मोबाईल वाहन आणण्याचा आणि किडनी रोग्यांसाठी डायलेसिस सेंटर उभारण्याचा निर्धार त्यांनी व्यक्त केला.
रोटरी क्लब सोलापूरद्वारा अन्नपूर्णा योजने अंतर्गत गेली १७ वर्षांपासून १०० वयोवृध्द गरजूंना दररोज एक वेळचे जेवण दिले जाते. तसेच कायमस्वरुपी रेडक्रॉस रोटरी केंद्रद्वारे अत्यंत अल्पदरात जयपूर फूट बसविले जातात. याशिवाय सायकल बँक प्रकल्पाअंतर्गत गरजू मुलींना सायकल वाटप करण्यात येत आहे. या सायकली मुलींंचे शिक्षण होईपर्यंत त्यांच्याकडेच राहतात व नंतर इतर गरजूंना देण्यात येतात. रोटरी नाना नानी पार्क, रोटरी पॉल हॅरिस स्मृती वन, रोटरी काव्यश्रृष्ठी आदी कायमस्वरुपी प्रकल्प रोटरी क्लब सोलापूर द्वारे राबविले जात आहेत.
नुतन अध्यक्ष रोटे. सीए सुनिल माहेश्वरी हे ऑटोमोबाईल आणि सिमेंट व्यवसाईक आहेत. ते डी एच बी सोनी कॉलेज, एम सर्कल आदी संस्थांवर कार्यरत आहेत. सचिव ब्रिजकुमार गोयदानी हे टेक्सटाईल उत्पादक असून माहेश्वरी विकास मंडळ सोलापूरचे सक्रिय सदस्य आहेत.
रोटरी क्लब ऑफ सोलापूरचे 2024-25 चे संचालक मंडळ पुढीलप्रमाणे, उपाध्यक्ष व प्रेसिडेंट इलेक्ट 2025-26 सौ. धनश्री केळकर, सहसचिव निलेश फोफलिया, खजिनदार मितेश पंचमिया, आयपीपी डॉ. ज्योती चिडगुपकर, क्लब लर्निंग फॅसिलीटेटर बी. एस. मुंदडा, सार्जंट ऍट आर्म्स सीए राजगोपाल मिणीयार, संचालक सर्वश्री कौशिक शाह, शिवाजी उपरे, सौ. विद्या मणुरे, सौ. पारुल पटेल, गोवर्धन चाटला, विशाल वर्मा, आनंद गुंड्याल, सुरज तापडिया, सलाम शेख, डॉ. प्रत्युश कावरा व संपादक श्रीकृष्ण गलगली व संदीप जव्हेरी.
या पत्रकार परिषदेस रोटरी डिस्ट्रिक्ट 3132 चे 2026-27 चे नवनिर्वाचित डिस्ट्रिक्ट गव्हर्नर रोटे. जयेश पटेल, रोटे. डॉ. ज्योती चिडगुपकर, रोटे. विद्या मणुरे, रोटे. धनश्री केळकर, रोटे. निलेश फोफलिया, रोटे. संदीप जव्हेरी, रोटे. सलाम शेख आदी उपस्थित होते.
