टीम लोकमन पंढरपूर |
नाभिक समाजाचा स्वाभिमान असलेले छत्रपती शिवाजी महाराजांचे अंगरक्षक पन्हाळ्याच्या वेढ्यातून छत्रपती शिवरायांना सुखरूप बाहेर काढणारे नाभिक समाजातील हिंदवी स्वराज्य भुषण शिवबा काशीद यांची जयंती आज पंढरपूर येथील शिवबा काशिद चौकात मोठ्या उत्साहात साजरी करण्यात आली.
कार्यक्रमाच्या सुरुवातीला पंढरपूर मंगळवेढा मतदारसंघाचे आमदार समाधान आवताडे व माजी आमदार प्रशांत परिचारक यांच्या हस्ते मूर्तीचे पूजन करण्यात आले. यावेळी पंढरपूर नगरपरिषदेचे माजी नगरसेवक नागेश भोसले, मनसेचे नेते दिलीप धोत्रे, विजय प्रताप युवा मंचचे व संभाजी ब्रिगेडचे पश्चिम महाराष्ट्र अध्यक्ष दिपक वाडदेकर, भैरवनाथ शुगरचे उपाध्यक्ष अनिल सावंत, कीर्तीपाल सर्वगोड, नितीन कांबळे सर, उत्तम बाबा चव्हाण, अभिराज उबाळे, सूर्यकांत शिंदे, दीपक सुरवसे, अनिल सप्ताळ, मारुती भोसले, सुमंगल नागरी सहकारी पतसंस्थेचे माजी चेअरमन हरिभाऊ राऊत आदी मान्यवर उपस्थित होते.
याप्रसंगी आमदार समाधान अवताडे म्हणाले की, आज नाभिक समाज जरी अल्पसंख्यांक असला तरी तो अजून पण स्वाभिमानाने राहतो याचा मला खरंच अभिमान वाटतोय. आजच्या काळात युवकांमध्ये छत्रपती शिवाजी महाराजांच्या काळात अग्रेसर असलेले त्यांचे अंगरक्षक शिवबा काशीद यांचा इतिहास डोळ्यापुढे ठेवून आज पंढरपूर शहरातील नाभिक समाजातील युवक कार्यकर्त्यांना मी सदैव कार्य करताना बघतोय व त्यांचे कार्य प्रत्येक ठिकाणी यशस्वी व चांगल्या पद्धतीने पार ही पडतंय हे कौतुकास्पद आहे.
प्रशांत परिचारक म्हणाले की, हिंदवी स्वराज्य भूषण शिवबा काशीद यांचा इतिहास खूप मोठा आहे त्यांनी केलेले योगदान व दिलेले प्राणाची आहुती हे कधीही न विसरण्यासारखे आहे. आजच्या या धावपळीच्या जीवनामध्ये सुद्धा पंढरपूर शहरातील नाभिक युवक प्रत्येक वर्षी जयंती मोठ्या उत्साहात साजरी करताना मी बघत आहे. आजच्या युगात सुद्धा ह्या लोकांनी हा मानस जोपासलाय हा नाभिक समाजातील युवकांचा कौतुकस्पद उपक्रम आहे. सदैव नाभिक समाजातील युवक वेगवेगळ्या उपक्रमातून असू द्या किंवा समाजाचे कार्याचा असो वा मदतीचा कार्यक्रम असो हे युवक सदैव अग्रेसर दिसत आहे. आणि ते मला बघून खूप आनंद वाटतो.
त्याप्रसंगी जयंती समितीचे अध्यक्ष महेश माने, उपाध्यक्ष मनोज गावटे, कार्याध्यक्ष निलेश शिंदे, खजिनदार युवराज हडपद, सहखजिनदार सोमनाथ चिखले, सचिव सागर खंडागळे, सहसचिव अविनाश शेटे, परमेश्वर डांगे, स्वरूप चव्हाण, श्लोक यादव, सार्थक चव्हाण, मानव माने, सुरेश यादव, नागराज हरपत, प्रणव राऊत, सागर शिंदे, दीपक खंडागळे, संतोष लाड, अमित जाधव, रोहित शिंदे, किरण गाडेकर, पवन खंडागळे, सुधाकर, विकास वाळके, संतोष भोसले, दिनेश गोरे, सुमित खंडागळे, सनी खंडागळे, हरीश गोरे, अक्षय खंडागळे उपस्थित होते. कार्यक्रमाचे सूत्रसंचालन जितेंद्र भोसले यांनी केले तर सतीश चव्हाण यांनी आभार मानले.
