माडग्याळ : नेताजी खरात
भारतीय जनता पार्टीचे नेते आमदार गोपीचंद पडळकर यांनी आज डॉ. सार्थक हिट्टी यांच्या माडग्याळ येथील ‘सार्थक’ या निवासस्थानी भेट दिली लोकसभा निवडणुकी संदर्भात चर्चा केली या परिसरातील प्रचाराचा आढावा घेतला.
पूर्व भागातील प्रमुख पदाधिकाऱ्यांची बैठक घेऊन मार्गदर्शन केले. यावेळी त्यांचे हिट्टी परिवाराच्यावतीने शाल श्रीफळ देऊन स्वागत करण्यात आले. लोकसभा निवडणूक संबंधी चर्चा करण्यात आली. तालुक्याची परिस्थिती जाणून घेतली व पदाधिकारी व कार्यकर्त्यांना प्रचारा संदर्भात काही सूचना केल्या. जत तालुका पूर्व भागातील लोकसभेची व येणाऱ्या विधानसभेच्या प्रचाराची जबाबदारी डॉ. सार्थक हिट्टी यांच्याकडे सोपवण्यात आली.
यावेळी बोलताना डॉ. सार्थक हिट्टी म्हणाले, भारतीय जनता पार्टीने मोठ्या विश्वासाने माझ्यावर जी जबाबदारी सोपवली आहे ती जबाबदारी प्रामाणिकपणे पार पाडणार असून लोकसभेच्या निवडणुकीत महायुतीचे उमेदवार खा.संजयकाका पाटील यांना जत पूर्व भागातून मोठे मताधिक्य देऊ असे आश्वासन दिले.
याप्रसंगी डॅा.शेखर हिट्टी, भारतीय जनता पार्टीचे युवा नेते संजय तेली, माडग्याळचे ग्रामपंचायत सदस्य महादेव माळी,अंबाण्णा कांबळे, अजित नाईक यांचे सह भारतीय जनता पार्टीचे पदाधिकारी व गोपीचंद पडळकर समर्थक मोठ्या संख्येने उपस्थित होते.
