टीम लोकमन मंगळवेढा |
नागरिकांचा प्रवास अधिक सुलभ व्हावा म्हणून अत्याधुनिक बसस्थानक निर्मितीच्या अनुषंगाने मंगळवेढा बसस्थानकाच्या आवारातील काँक्रिटीकरणाच्या व इतर सुधारणा विकास कामांसाठी आमदार समाधान आवताडे यांच्या प्रयत्नांतून २ कोटी २८ लाख इतका निधी मंजूर झाला आहे. या सर्व नियोजित विकास कामांचे भूमिपूजन आमदार समाधान आवताडे हस्ते नुकतेच करण्यात आले.
महाराष्ट्र शासन एसटी स्टॅन्ड धोरणात्मक विकास कार्यक्रमाच्या अंतर्गत आमदार आवताडे यांनी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार तसेच पालकमंत्री चंद्रकांत पाटील व राज्याचे उद्योगमंत्री उदय सामंत यांच्याकडे या निधीच्या मंजुरीसाठी सातत्याने पाठपुरावा केला होता.
मतदारसंघातील विविध ठिकाणी मोठ्या प्रमाणावर मूलभूत आणि पायाभूत सुविधांचे काम सुरू असून लवकरच ती सर्व कामांचे लोकार्पण होतील. मतदारसंघाला विकासाच्या एका नव्या शिखरावर नेण्यासाठी आपण कटिबद्ध आहोत. अशी ग्वाही आमदार आवताडे यांनी यावेळी बोलताना दिली आहे.
सदर नियोजित विकास कामे तात्काळ सुरू करण्याचे निर्देश आमदार आवताडे यांनी संबंधित विभागाला दिले आहेत. तसेच महाराष्ट्र राज्य मार्ग परिवहन महामंडळातील चालक, वाहक व इतर कर्मचाऱ्यांच्या बदल्या, बसस्थानक निधी, ज्यादा बसेस मिळणे या विषयाबाबत आमदार आवताडे यांनी राज्य परिवहन महामंडळाच्या अधिकाऱ्यांकडून यावेळी आढावा घेतला.
या कार्यक्रमासाठी कृषी उत्पन्न बाजार समितीचे माजी सभापती सोमनाथ आवताडे, जिल्हा नियोजन समितीचे सदस्य प्रदीप खांडेकर, भाजपा विधानसभा अध्यक्ष राजेंद्र सुरवसे, भाजपा जिल्हा संघटन सरचिटणीस शशिकांत चव्हाण, माजी उपनगराध्यक्ष चंद्रकांत पडवळे, आगार प्रमुख संजय भोसले, खरेदी विक्री संघाचे माजी संचालक कैलास कोळी, भाजपा युवा मोर्चाचे जिल्हाध्यक्ष सुदर्शन यादव, भाजपाचे मंगळवेढा शहराध्यक्ष नागेश डोंगरे, सरपंच शिवाजी सरगर, युवराज शिंदे, ज्येष्ठ विधीज्ञ ॲड. डी. सी.जाधव, नंदकुमार जाधव, संजय माळी, सचिन गोवे, सुशांत हजारे आदी मान्यवर तसेच महाराष्ट्र राज्य मार्ग परिवहन महामंडळाच्या सोलापूर विभागातील व मंगळवेढा आगारातील अधिकारी व कर्मचारी तसेच चालक, वाहक, स्थानिक नागरिक उपस्थित होते.
