टीम लोकमन मंगळवेढा |
पंढरपूर विश्रामगृह येथे प्रहार जनशक्ती पक्षाचे पक्षप्रमुख तथा दिव्यांग मंत्रालयाचे अध्यक्ष बच्चु कडू यांच्या उपस्थितीत प्रमुख पदाधिकारी यांची आढावा बैठक संपन्न झाली. डोणज येथील राकेश पाटील यांची प्रहार जनशक्ती पक्षाच्या मंगळवेढा तालुका अध्यक्षपदी निवड करण्यात आली. प्रहार जनशक्ती पक्षाचे पक्षप्रमुख तथा माजी मंत्री बच्चू कडू यांच्या हस्ते निवडीचे पत्र देण्यात आले.
राकेश पाटील हे माजी मंत्री बच्चू कडू यांचा विश्वासू सहकारी व लिंगायत समजाचा महत्वाचा चेहरा म्हणून मंगळवेढा तालुक्यात ओळख निर्माण केली आहे. राकेश पाटील यांनी प्रहार जनशक्ती पक्षाचा डोणज शाखाध्यक्ष पदापासून कार्यास सुरवात केली. ते आज तालुकाध्यक्ष पदापर्यंत पोहोचले आहेत. राकेश पाटील यांनी प्रहारच्या माध्यमातून पूर्व भागातील अनेक प्रश्नावर आंदोलनाच्या माध्यमातून न्याय देण्याचा प्रयत्न केला आहे.
दूध दरवाढीसाठी तसेच दुधाचे अनुदान शेतकऱ्यांच्या खात्यात जमा करण्यासाठी अनेक वेळा आंदोलन केली तसेच राष्ट्रीय महामार्ग 166 भूसंपादन झालेल्या शेतकऱ्यांच्या नुकसान भरपाईसाठी प्रांत कार्यालयासमोर आंदोलन करून शेतकऱ्यांना मोबदला मिळवून देण्यात आला. पीक कर्जासाठी शेतकऱ्यांची अडवणूक करणाऱ्या बँकांच्या विरोधात आंदोलन करून शेतकऱ्यांना न्याय मिळवून देण्यात आला. महात्मा बसवेश्वर स्मारक मंगळवेढा येथे होण्यासाठी नेहमीच राकेश पाटील आग्रही भूमिका मांडत असतात.
गावातील तरुणांना एकत्र करून त्यांच्या अडचणी जाणून घेऊन त्या सोडविण्यासाठी प्रयत्नशील आहेत. मंगळवेढा तालुक्यातील पिक विमा, दिव्यांग निधी, अतिवृष्टी, गावातील उत्सव यासाठी ते प्रयत्नशील असतात तसेच तालुक्यातील अपंग, विधवा, निराधार, शेतकरी, विद्यार्थी,कामगार व मजूर यांना प्रामाणिकपणे न्याय देण्याचे काम केले आहे. तसेच राकेश पाटील यांनी गेल्या 6 वर्षात पक्षाचे ध्येय धोरण तालुक्यातील प्रत्येक गावात पोहचवले आहे. प्रहार जनशक्ती पक्ष वाढीसाठी ते प्रयत्न करत असतात त्यामुळे प्रहार जनशक्ती पक्षाचे पक्षप्रमुख तथा माजी मंत्री बच्चू कडू व प्रहार जनशक्ती पक्षाचे जिल्हा अध्यक्ष दत्ता भाऊ मस्के पाटील यांनी प्रहार जनशक्ती पक्षाचा मंगळवेढा तालुका अध्यक्षपदाची जबाबदारी राकेश पाटील यांच्याकडे सोपवली आहे.
प्रहार जनशक्ती पक्षाचे मंगळवेढा तालुका अध्यक्ष राकेश पाटील बोलताना म्हणाले, प्रहार जनशक्ती पक्ष ह्यांनी केलेल्या आजपर्यंतच्या कामाची तसेच सर्वसामान्य लोकांच्या अडीअडचणी सोडवण्यासाठी तसेच पक्षाचे ध्येय धोरण सर्वसामान्यांपर्यंत पोहोचवण्यासाठी व आगामी ग्रामपंचायत निवडणूक मोठ्या ताकदीने लढवण्यासाठी माझी नियुक्ती केलेली असून या तालुका अध्यक्षपदाचा मी सर्वसामान्य जनतेसाठी व त्यांच्या कल्याणासाठी उपयोग करणार आहे.
सदर निवडीचे पत्र देताना प्रहार जनशक्ती पक्षाचे पक्षप्रमुख बच्चू भाऊ कडू, सोलापूर जिल्हाध्यक्ष दत्ता मस्के पाटील, जिल्हा उपाध्यक्ष रमेश पाटील, जिल्हा सरचिटणीस श्रीपाद पाटील, प्रहार संघटना तालुका अध्यक्ष समाधान हेंबाडे व सर्व मंगळवेढा तालुक्यातील पदाधिकारी उपस्थित होते. राकेश पाटील यांची प्रहार जनशक्ती पक्षाच्या मंगळवेढा तालुकाध्यक्षपदी नियुक्ती केल्यामुळे मंगळवेढा तालुक्यातील प्रहारच्या कार्यकर्त्यांमध्ये उत्साह आहे.
