टीम लोकमन मंगळवेढा |
नरेंद्र मोदींच्या नेतृत्वातील केंद्र सरकारने नव्या आरबीआय गव्हर्नरची घोषणा केली आहे. वरिष्ठ आयएएस अधिकारी संजय मल्होत्रा नवे आरबीआय गव्हर्नर असणार आहेत.
पुढील 3 वर्ष ते या पदावर कार्यरत असणार आहेत. शक्तिकांत दास यांचा कार्यकाळ 10 डिसेंबर रोजी संपत आहे. त्यामुळे केंद्र सरकाककडून हा निर्णय घेण्यात आल्याची माहिती आहे.
मंत्रिमंडळाच्या नियुक्ती समितीकडून संजय मल्होत्रा यांचे नाव जाहीर
शक्तिकांत दास यांचा कार्यकाळ 10 डिसेंबर रोजी संपत होता. दास यांना एक्स्टेन्शन मिळणार अशी मोठी चर्चा होती. मात्र मंत्रिमंडळाच्या नियुक्ती समितीकडून सध्या महसूल सचिव असलेल्या संजय मल्होत्रा यांची नियुक्ती नव्या आरबीआय गव्हर्नरपदी करण्यात आल्याचे जाहीर करण्यात आले आहे.
कोण आहेत संजय मल्होत्रा?
संजय मल्होत्रा हे महसूल सचिव या पदावर कार्यरत आहेत. मल्होत्रा यांची आता रिझर्व्ह बँकेच्या गव्हर्नरपदी नियुक्ती करण्यात आली आहे. पुढील 3 वर्षांसाठी ते हे पद सांभाळतील. संजय मल्होत्रा हे 1990 बॅचचे राजस्थान केडरचे भारतीय प्रशासकीय सेवेतील अधिकारी आहेत. त्यांनी इंडियन इन्स्टिट्यूट ऑफ टेक्नॉलॉजी, कानपूर येथून कॉम्प्युटर सायन्समध्ये अभियांत्रिकी पदवी घेतली आहे.
मल्होत्रा यांनी प्रिन्स्टन युनिव्हर्सिटी, यूएसए येथून पब्लिक पॉलिसी या विषयात पदव्युत्तर पदवी प्राप्त केली आहे. संजय मल्होत्रा हे 1990 च्या बॅचे आणि राजस्थान केडरचे सनदी अधिकारी असून त्यांनी कानपूरमधून कंप्यूटर विज्ञान मध्ये अभियांत्रिकीची पदवी मिळवली आहे. याशिवाय त्यांनी अमेरिकेतील प्रिन्स्टन विद्यापीठातून सार्वजनिक धोरणात पदव्युत्तर पदवी प्राप्त केली आहे. संजय मल्होत्रा यांनी ऊर्जा, वित्त आणि कर, माहिती तंत्रज्ञान, खाणी इत्यादींसह विविध क्षेत्रांमध्ये काम केले आहे. सध्या ते अर्थ मंत्रालयात सचिव (महसूल) या पदावर कार्यरत आहेत. त्यांनी भारत सरकारच्या वित्त मंत्रालयाच्या अंतर्गत वित्तीय सेवा विभागात सचिवपद भूषवले होते. संजय मल्होत्रा यांना राज्य आणि केंद्र सरकारमधील वित्त आणि कर आकारणी या क्षेत्राचा मोठा अनुभव आहे. ते प्रत्यक्ष आणि अप्रत्यक्ष करांच्या संदर्भात कर धोरण तयार करण्यात महत्वाची भूमिका बजावत आहेत.
