टीम लोकमन मंगळवेढा |
पंढरपूर मंगळवेढा विधानसभा मतदारसंघाची विकासात्मक रचना डोक्यात ठेवून व प्रचंड सकारात्मक ऊर्जा घेऊन आपल्या सर्वांचे जीवन अधिक समृद्ध, सुखी आणि सुरक्षित बनवण्यासाठी आमदार समाधान आवताडे हे कायमच प्रयत्नशील असून जर आपल्याला संपूर्ण मतदारसंघाचा परिपूर्ण विकास साधायचा असेल तर आमदार समाधान आवताडे यांच्याशिवाय दुसरा कोणताही योग्य पर्याय नसल्याचे प्रतिपादन युवा उद्योजक जनार्धन शिवशरण यांनी केले.
कमी वेळेमध्ये विक्रमी निधी खेचून आणणारे आमदार म्हणून समाधान आवताडे यांचा उल्लेख प्रथम क्रमांकाने करावा लागेल. संपूर्ण मतदारसंघाच्या विकासाचा ध्यास घेतलेले आणि जे संकल्प आणि योजना पूर्ण करण्यासाठी 100% प्रामाणिक मेहनत करत असलेले आपले समाधान आवताडे हे एक विकासाचे व्हिजन घेऊन वाटचाल करीत आहेत. त्यांना मिळालेल्या अल्पकाळात मतदारसंघामध्ये राज्य व केंद्र सरकारच्या विविध योजनांच्या माध्यमातून विकासाचे अनेक प्रकल्प यशस्वीपणे राबवले आहेत.
येणाऱ्या काळात रस्ते, पाणी, आरोग्यसेवा, शिक्षण आणि एमआयडीसीच्या माध्यमातून सुद्धा रोजगाराच्या संधीमध्ये आवश्यक ती सुधारणा ते करण्यासाठी ते वचनबद्ध आहेत. त्यांच्या माध्यमातून अजुन मतदार संघाचा बराच विकास करायचा बाकी असून त्यांचे पंढरपूर मंगळवेढा विधानसभा मतदार संघाच्या परिपूर्ण विकासाचे स्वप्न पूर्ण करण्यासाठी आपण त्यांच्या पाठीशी खंबीरपणे उभे राहणे गरजेचे आहे.
देवभूमी व संतभूमीचा सर्वांगीण विकास हा एकच ध्यास मनी घेऊन आपली राजकीय वाटचाल करणारे समाधान अवताडे हे तरुणांचे जीवन कसे सुखी आणि समृद्ध होईल यासाठी अखंडित प्रयत्नशील आहेत. आपल्यातील प्रत्येकाला आपले जीवन आनंदाने, आत्मविश्वासाने जगता येईल अशी परिस्थिती निर्माण व्हावी यासाठी ते कायम प्रयत्न करत आले आहेत.
शिक्षण हे प्रत्येकाच्या हक्काचे आहे आणि त्यामुळे आपल्या मुला-मुलींना दर्जेदार शिक्षण आणि नवनवीन कौशल्य मिळावेत, त्यांना रोजगार उपलब्ध व्हावा याच संकल्पनेतून कासेगाव येथे एमआयडीसीला मंजुरी घेतली व या माध्यमातून रोजगाराच्या संधी उपलब्ध व्हाव्यात व आपल्या मातीतून नवे उद्योजक निर्माण व्हावेत यासाठी ते कायमच कटिबद्ध आहेत.
आमच्या माचणूर या गावी त्यांच्या माध्यमातून सोलापूर जिल्ह्यातील पहिलेच व सर्वात मोठे असे संविधान भवनाचे काम चालू आहे. आपल्या उद्योगी व विकासात्मक धोरणाने संपूर्ण मतदारसंघाचा कायापालट करु पाहणारे व्यक्तिमत्व म्हणून आज संपूर्ण मतदारसंघात समाधान आवताडे यांचा दबदबा निर्माण झाला आहे.
त्यामुळे आपल्या मतदारसंघाचा सर्वांगीण विकास करण्यासाठी समाधान आवताडे यांच्याशिवाय दुसरा कोणताही योग्य पर्याय आपल्यासमोर नाही म्हणून येणाऱ्या काळामध्ये आपण त्यांना पुन्हा एकदा आमदार करुन मतदारसंघाच्या विकासाचे साक्षीदार होऊया. असे आवाहनही जनार्धन शिवशरण यांनी यावेळी केले.
