सोलापूरहून माचनूर कडे येत असताना रविवारी सायंकाळी नागपूर रत्नागिरी राष्ट्रीय महामार्गावर तिऱ्हे गावाजवळील सीना नदीच्या पुलावर अचानक मोटारसायकल घसरल्याने अपघात होऊन मोटरसायकलस्वार संकेत सिद्धेश्वर डोके (वय 26) रा. माचनूर ता. मंगळवेढा याचा मृत्यु झाला.
याच्या डोक्याला व चेहऱ्याला मार लागला होता. त्याला उपचारासाठी हॉस्पिटलमध्ये नेत असताना रस्त्यातच त्याचा मृत्यू झाला तर त्याचे वडील सिद्धेश्वर डोके (वय 63) हे जखमी झाले आहेत.
मोटरसायकल घसरून झालेल्या अपघातात तरुणाचा मृत्यू झाल्याने माचनूर गावावर शोककळा पसरली आहे.
